Latest Post

धक्कादायक ! डोक्यात गोळी झाडून पोलीस अधिकाऱ्याची आत्महत्या सोलापूरच्या पालकमंत्रीपदी चंद्रकांत पाटील तर अजित पवार पुण्याचे पालकमंत्री..

अनेकदा रोड रोमिओ महिला व मुलींकडे वाईट नजरेने एकटक पाहतात. त्यामुळे अनेकदा महिला व मुलींना याचा नाहक त्रास होतो. स्त्रियांकडे एकटक पाहणं हा देखील विनयभंग असल्याचं ठरवत औरंगाबाद सत्र न्यायालयानं एका रोड रोमिओला सहा महिने कारावासाची शिक्षा सुनावली आहे. तरुणींना तसेच लहान मुलींनाही अशा सडकछाप रोड रोमिओंच्या जाचाला नेहमीच तोंड द्यावं लागतं. अनेकदा मुली कुणालाही न सांगता, गुपचूप हा त्रास सहन करतात. मात्र औरंगाबाद सत्र न्यायालयाच्या या निकालामुळं अशा पीडित मुलींना बळ मिळणार आहे. पुढे येऊन तक्रार केली तर अशा रोड रोमिओंना कायदेशीर मार्गानं धडा शिकवता येतो, हेच या निकालानं स्पष्ट केलं आहे.

एका 13 वर्षीय अल्पवयीन मुलीला छळत असलेल्याचा आरोप ठेवत साल 2017 मध्ये या आरोपीला अटक केली होती. ही मुलगी शाळेत जात असताना हा आरोपी सतत तिचा पाठलाग करायचा. तसेच तिच्या नजरेत येण्यासाठी सतत तिच्या घरासमोरील बगीच्यात बसून ती सायकल चालवत असताना तिला एकटक पाहत बसायचा. एकदा ती मुलगी तिच्या मामाच्या घरी गेली होती. तेव्हा या रोड रोमिओनं तिथंही तिची पाठ सोडली नाही. तेव्हा मामानं आपल्या मित्रांच्या मदतीनं या रोड रोमिओला पकडून पोलिसांच्या ताब्यात दिलं.

औरंगाबाद पोलिसांनी याप्रकरणी भारतीय दंड विधान आणि ‘पोक्सो’ कायद्याअंतर्गत गुन्हा दाखल केला. या खटल्यात एकूण 6 साक्षीदारांनी कोर्टात दिलेल्या साक्षी महत्त्वाच्या ठरल्या. त्यानुसार या अल्पवयीन मुलीला एकटक पाहिल्याबद्दल औरंगाबादचे विशेष कोर्टाचे न्यायाधीश ए. एस. खडसे यांनी दामोदर राबडा या रोड रोमिओला 6 महिने सक्तमजुरी आणि 10 हजार रुपये दंडाची शिक्षा ठोठावली.

Leave a Reply

Your email address will not be published. Required fields are marked *