Big9news Network
सोलापूर शहर परिसरात कोरोना विषाणूचा संसर्ग वेगाने वाढत आहे आज एकाच दिवशी 59 जणांची नोंद घेण्यात आली. दिलासादायक बाब म्हणजे एकाच दिवशी 38 जण बरे झाले परंतु मृत्यूचे थैमान थांबत नसून 8 जणांचा बळी या महामारीने घेतला आहे.
लसीकरण मोहीम युद्धपातळीवर सगळीकडे सुरू आहे.परंतु पुन्हा एकदा कोरोना विषाणू डोके वर काढत आहे.राज्यासह जिल्हा परिसरात पुन्हा एकदा बाधित रुग्णांची संख्या वाढत आहे.
सोलापूर शहरात आज बुधवारी दि.19 मे रोजी कोरोनाचे नवे 59 रुग्ण आढळले असून यामध्ये 35 पुरुष तर 24 स्त्रियांचा समावेश आहे.
आज एकूण 2436 जणांचे अहवाल प्राप्त झाले. त्यामध्ये 2377 निगेटिव्ह तर 59 जणांचे अहवाल पॉझिटिव्ह आले. दिलासादायक बाब म्हणजे आज 38 जण बरे होऊन घरी गेले असल्याची माहिती महापालिकेच्या आरोग्य अधिकारी यांनी दिली.
कोरोनामुळे आज 8 जणांचा मृत्यू झाला असल्याची माहिती देण्यात आली आहे.
