Big9news Network
माळशिरस : दहा हजार रुपयांची खंडणी मागितल्याप्रकरणी आरोपीस १ वर्षांची सक्तमजुरी आणि ३ हजार रुपये दंड अशी शिक्षा ठोठावण्यात आली. हा निर्णय माळशिरस न्यायालयाने दिली आहे.
याबाबत अधिक माहिती अशी की, डोंबाळवाडी तालुका माळशिरस येथील सहदेव कारंडे यांनी सन २००९ मध्ये नातेपुते पोलिस स्टेशनमध्ये अशी फिर्याद दिली होती की, आरोपीने फिर्यादीच्या मुलीच्या लग्नाच्या अगोदर व लग्नानंतर चार दिवसांत खंडणी म्हणून दहा हजार रुपये त्याला न दिल्यास फिर्यादी व त्यांच्या जावयाचा खून करीन अशी धमकी दिली होती.
सदर प्रकरणात सरकारतर्फे एकूण दहा साक्षीदार तपासण्यात आले. यामध्ये फिर्यादीने दिलेल्या तक्रारी प्रमाणे गुन्हा शाबित झाल्याने आरोपी श्याम धायगुडे (वय ३२) यांस माळशिरस येथील प्रथमवर्ग न्यायदंडाधिकारी जी.एम. नदाफ यांनी एक वर्षांची सक्तमजुरी आणि ३ हजार रुपये दंड अशी शिक्षा दिली. सरकारतर्फे अॅडव्होकेट एम.एम. कोळेकर यांनी काम पाहिले तर आरोपीतर्फे डी.एस. अाडत हे होते. कोर्ट पैरवीमध्ये पोलीस हे.कॉ. नातेपुते पोलीस स्टेशन शिवाजी घाडगे, मुबारक तांबोळी यांनी काम पाहिले.
