Big9 News
आमदार, खासदारांना पेन्शन;आम्हाला का बरं देत नाही?
संपाचा दुसरा दिवस भर रस्त्यात उन्हात बसल्या महिला
पाच वर्षाचा कालावधी पूर्ण केलेल्या आमदार खासदारांना 50000 पेक्षा जास्त पेन्शन आयुष्यभर दिले, जाते. आम्ही आयुष्यभर सेवा करतो. निवृत्ती नंतर आम्हाला पुरेशी पेन्शन नको,का? असा सवाल आंदोलनाच्या दुसऱ्या दिवशी करण्यात आला.दिवसभर महिला कर्मचारीहीं भर उन्हात रस्त्यावर बसून होत्या.
‘ एक मिशन,जुनी पेन्शन’
यास अन्य विविध मागण्यांसाठी पदोन्नती मिळालेल्या वर्ग 2व वर्ग 3,4 संवर्गातील कर्मचाऱ्यांनी मंगळवारपासून आंदोलनाला सुरुवात केली आहे. सलग दुसऱ्या दिवशी जिल्हा परिषदेच्या समोरील पुनम गेट समोर सकाळी साडेदहा वाजता आंदोलनाला सुरुवात झाली महिलांची मोठी गर्दी दिसून येत होती. महिला व पुरुष कर्मचाऱ्यांनी एक मिशन जुनी पेन्शन ही घोषवाक्य लिहिलेल्या पांढऱ्या टोप्या घातल्या होत्या, नेत्यांनी आपल्या भाषणात जुनी पेन्शन मिळाली नाही,तर आगामी काळात सत्ताधाऱ्यांना मतदान करायचे नाही, असा सल्ला दिला.
कर्मचाऱ्यांनी घोषणाबाजी करून संपूर्ण परिसर दणाणून सोडला होता. सोलापूर जिल्हा शासकीय निमशासकीय समन्वय समितीचे अध्यक्ष शंतनू गायकवाड अमृत कोकाटे अशोक इंदापुरे किशोर सावळे शंकर जाधव श्रीशैल कोरे नितीन कसबे चेन्नई अशा कसबे अशा माने प्रकाश चव्हाण महेश बनसोडे विवेक लिंगराज राम शिंदे आदी विविध संघटनांचे पदाधिकारी उपस्थित होते.
