‘तर त्यांना खासगी हॉस्पिटलमध्ये दाखल करू’ : राजेश टोपे

Big9news Network

गृह विलगीकरणात राहण्याचा सल्ला ज्यांना देण्यात आला आहे, ते घराबाहेर फिरत आहेत, त्यांच्यामुळे इतरांना कोरोनाची लागण होत आहे. अशा रुग्णांनी नियम पाळले नाहीत, तर त्यांना खासगी रुग्णालयात दाखल करावे लागेल आणि त्याचा खर्चदेखील त्यांनाच करावा लागेल, असा सज्जड दम आरोग्यमंत्री राजेश टोपे यांनी दिला आहे.

कोरोनाबाधितांची वाढती संख्या घेऊन शासकीय आरोग्य संस्थांमधील खाटांची संख्या वाढवा, वातावरणातून ऑक्सिजन निर्मितीची यंत्रणा उभी करा, पाॅझिटिव्ह रुग्णांना संस्थात्मक विलगीकरणावर भर द्या, राज्यात आरटीपीसीआर (RTPCR) चाचण्यांचे प्रमाण वाढवा, असे निर्देश राजेश टोपे (Rajesh Tope) यांनी जिल्हा आरोग्य केंद्रांना दिले आहेत. राज्यातील आरोग्य संचालक, सहसंचालक, विभागीय उपसंचालक. जिल्हा शल्य चिकित्सक, जिल्हा आरोग्य अधिकारी, तालुका अधिकारी यांच्यासोबत ऑनलाईन आढावा बैठक घेतली, तेव्हा ते बोलत होते.